ciseán
CISEÁN SIOPADÓIREACHTA
Tá do chiseán siopadóireachta folamh.
Pearse Hutchinson
Nóta beathaisnéise
Saothair foilsithe

Rugadh Pearse Hutchinson i nGlaschú in 1927 ach bhog a mhuintir go hÉirinn tamall de bhlianta ina dhiaidh sin. Ba as Baile Átha Cliath dá athair agus ba as Tír Chonaill dá mháthair. D’fhreastail sé ar Scoil na mBráithre Críostaí, Sráid Synge agus ar Ollscoil na hÉireann, Baile Átha Cliath.

Rinne sé cuid mhór taistil, go háirithe ar fud na hEorpa – san Eilvéis, san Iodáil, san Ostair, sa tSualainn, i Sasana, agus go háirithe sa Spáinn. Scríobh Pearse sa Bhéarla agus sa Ghaeilge, agus bhí roinnt mhaith teangacha Eorpacha ar a thoil aige. D’oibrigh sé mar aistritheoir sa Ghinéiv ó 1951 go 1953, agus bhí cónaí air in Barcelona ó 1954 go 1957 agus arís ó 1961 go 1967. Bhí cónaí air i mBaile Átha Cliath agus ba bhall den Aosdána é go dtí gur éag sé in 2012. Áirítear é ar fhilí móra na linne seo go fóill.

Aistríodh rogha dá shaothar Gaeilge go Béarla in The soul that kissed the body (The Gallery Press, 1990) agus foilsíodh Collected Poems (The Gallery Press, 2002) chun a bhreithlá 75 a cheiliúradh. Chuaigh sé i bpáirt leis an Ollamh Melita Cataldi chun bailiúchán de liricí Gaeilge ó na Meánoiseanna a aistriú go hIodáilis in Antica lirica Irlandese (Einaudi, 1981). Sa bhliain 2003 foilsíodh bailiúchán d’aistriúcháin a rinne se ó theangacha éagsúla, go háirithe ón gCatalóinis agus ó Phortaingéilis Galicia faoin teideal, Done into English (The Gallery Press, 2003). Ba é At Least For A While (The Gallery Press, 2008) an cnuasach filíochta deireanach leis.

Nuashonraithe Nollaig 2013

Filíocht

At Least For A While (The Gallery Press, 2008)
Done into English (The Gallery Press, 2003)
Faoistin bhacach (An Clóchomhar, 1968)
Le cead na gréine (An Clóchomhar, 1989)
Tongue without hands (Dolmen Press, 1963)
Expansions (Dolmen Press, 1969)
Watching the morning grow (The Gallery Press, 1972)
The frost is all over (The Gallery Press, 1975)
Selected poems (The Gallery Press, 1980)
Climbing the light (The Gallery Press, 1985)
Barnsley: main seam (The Gallery Press, 1995)

Eolas faoi Cois Life · Sonraí teagmhála