ciseán
CISEÁN SIOPADÓIREACHTA
Tá do chiseán siopadóireachta folamh.
Liam Mac Amhlaigh ag Cois Life


Liam Mac Amhlaigh
Nóta beathaisnéise
Saothair foilsithe
Liam Mac Amhlaigh

Is léachtóir le litríocht agus teanga na Gaeilge é Liam Mac Amhlaigh in Ollscoil na hÉireann, Má Nuad. Is céimí de chuid an Choláiste Ollscoile, Baile Átha Cliath agus Coláiste na Tríonóide é. Tá suim thaighde aige i bhfoclóireacht na Nua-Ghaeilge, ealaín an ghearrscéil Ghaeilge, saol agus saothar Mháirtín Uí Chadhain agus filíocht chomhaimseartha na Nua-Ghaeilge. Rugadh i gCill Mhantáin agus tógadh i mBaile Átha Cliath é.

Tá ailt foilsithe aige ar fhilí comhaimseartha na Nua-Ghaeilge mar Mháire Mhac an tSaoi, Sheán Ó Ríordáin agus Mháirtín Ó Direáin. Foilsíodh a chéad úrscéal dó, Teach na gColúr (Comhar, 2006), in 2006, úrscéal a bhuaigh duais i gComórtas Liteartha an Oireachtais sa bhliain chéanna. Tá dochtúireacht leis á cóiriú don chló aige faoi láthair ar ábhar na foclóireachta Nua-Ghaeilge san fhichiú haois. Tiocfaidh sé seo sna sála ar Foclóirí agus Foclóirithe na Gaeilge (Cois Life, 2008) ina bhfuil spléachadh ar shaothair foclóireachta na Gaeilge ó Shanasán Uí Chléirigh (1643) go foclóir Néill Uí Dhónaill (1978).

Nuashonraithe Iúil 2013

Úrscéal

Teach na gColúr (Comhar, 2006)

Saothar Taighde

Foclóirí agus Foclóirithe na Gaeilge (Cois Life, 2008)

Obair Eagarthóireachta

Ilteangach, ilseiftiúil: féilscríbhinn in ómós do Nicholas Williams (Arden House, 2012)
Fill arís: Oidhreacht Sheáin Uí Ríordáin (Cló Iar-Chonnacht , 2012)

Eolas faoi Cois Life · Sonraí teagmhála